هتفهم يعني إيه مجال الجودة وإزاي تبدأ فيه من الصفر لحد م تلاقي شغل ان شاء الله

هتدخل محاكاة لمصنع لحوم وتعيش التجربة كأنك مهندس جودة فعلاً ، مش هتتفرج بس… هتشتغل, تتابع، وتمسك كل خطوة بنفسك

هتبدأ من أول استلام الخامات وتتعلم إزاي تِتأكد إن الخامة مطابقة للمواصفات قبل ما تدخل الإنتاج

بعد كده هتمشي مع خط الإنتاج خطوة بخطوة وتفهم المنتج بيتصنع إزاي لحد التعبئة - التخزين - النقل للمستهلك

هتعرف دورك الحقيقي كمهندس جودة جوا المصنع وإيه مسؤولياتك اليومية وإزاي تتعامل مع المشاكل اللي بتحصل أثناء التشغيل

هتفهم ليه بعض المنتجات الغذائية ممكن تفسد أو تبقى خطر على المستهلك و هتشوف أمثلة وقصص حقيقية زي مشكلة التسمم اللي حصلت في بلبن و اندومي

هتعرف أنواع المخاطر اللي ممكن تواجه أي منتج غذائي (فيزيائية – كيميائية – بيولوجية) وإزاي تكتشفها قبل ما المنتج ينزل السوق

وفي نهاية المحاضرة هتاخد Task عملي تطبق عليه بنفسك وتبعتلنا شغلك، وهنتابع معاك خطوة بخطوة لحد ما نتأكد إنك فاهم وبتطبق صح

هتعرف المصنع بيتبني إزاي من الأول… وايه المناطق اللي ينفع نبني فيها وإزاي غلطة بسيطة في التصميم ممكن تبوّظ الإنتاج كله.

هتعرف شكل مهندس الجودة الحقيقي… إيه اللبس الصح؟ إيه الممنوع؟ (خواتم – ساعات – أظافر طويلة – برفان) وليه الحاجات دي ممكن تعمل تلوث فعلاً.

هتعرف إزاي تستلم المواد الخام … وتشوف الشحنة، وتقرر تقبل أو ترفض، وتتعامل مع موردين وتقيمهم

هتعرف التلوث بيحصل إزاي بجد… مش تعريفات… هتشوف سيناريوهات حقيقية (تلوث من عامل – من معدة – من بيئة) وتتعلم إزاي تمنعه قبل ما يحصل.

هتعرف ازاي بيتم غسيل المعدات في المصانع … وإزاي المصنع بيضمن إن كل حاجة نظيفه قبل التشغيل.

هتفهم نظام مكافحة الآفات… إزاي المصنع بيحمي نفسه من الحشرات والقوارض، وإزاي حاجة صغيرة زي فتحة أو شق ممكن تبقى كارثة.

هتشوف إزاي غلطة بسيطة في التخزين أو درجات الحرارة ممكن تفسد شغل يوم كامل، وهتتعلم التخزين الصح داخل المصانع

هتفهم أنظمة حقيقية جوه المصنع محدش بيشرحها للطلبة زي: Batch Number – Traceability – Recall يعني لو حصل حالات تسمم بسبب منتج… هتقدر تحدد المنتج وتسحبه من السوق بسرعة قبل ما تتحول لكارثة

هتفهم يعني إيه هاسب أصلاً وإزاي بيتم تطبيقه جوه المصانع وكمان هتفهم النقط اللي معظم الطلبة بتتلخبط فيها في الانترفيو زي الفرق بين CCP و OPRP وPRP

هتعمل أكتر من خطة هاسب بإيدك على صناعات مختلفة (لحوم ودواجن – ألبان – مخبوزات –خضار مجمد) علشان لما تدخل أي مصنع… تبقى فاهم الشغل مش بتجرب لأول مرة.

هتطبق أول 5 خطوات في الـ HACCP بإيدك تكون فريق – توصف المنتج – تحدد المستهلك – ترسم مخطط لمراحل الانتاج

هتعمل تحليل مخاطر بنفسك هتحلل منتج غذائي (زبادي مثلا) وتحدد المخاطر اللي ممكن تحصل في مراحل انتاج المنتج ده

هتفهم وتحدد الـ CCP بنفسك وتتعلم تتابعها وتتحكم فيها ولو حصلت مشكلة هتعرف تتصرف إزاي

هتمسك نماذج وتقارير حقيقية من مصانع فعلًا وهتتعلم إزاي تبني نظام HACCP كامل بنفس الطريقة اللي الشركات بتشتغل بيها جوه المصنع

مش هتكون لوحدك… هيكون معاك مشرف بيتابعك خطوة بخطوة يعني كل حاجة بنشرحها بتأخد عليها Task وتحله وتبعته للمشرف ويبدأ بقي يراجعه معاك بالتفصيل: يقولك هنا صح – هنا غلط – هنا محتاج تعديل وترجع تعيد تاني وتبعتله لحد ماتعمله صح ونتأكد انك فهمت